立場新聞 Stand News

2020 年是衰運的開端

2020/10/22 — 15:54

圖片來源:作者 FB

圖片來源:作者 FB

其實大家應該有留意,武肺疫情接近一年,人人呻生意好慘,但消費物價,真係唔多覺有咩調整。好似我前排去買個包,九月仲係 8 元,十月竟敢加到 8.5。我當刻真係好奇怪:唔係話市道好差㗎咩?

樓價回落甚少,租金確有下調,但只是比較「正常」而已,實情是之前漲得太厲害,個泡沫縮返細啫。

好多人會將武肺疫情同 2003 年沙士比較,點解市道相差咁遠呢?自己諗諗吓,其實都合理的,2003 年是承襲了九七金融風暴、2001 年九一一襲擊的頹勢,個經濟一早就推冧咗,當時好多香港人日子都過得好緊,負資產早已滿街。喺呢個時候,沙士為全港經濟帶來致命一擊,將一切復原信心打爛,所以資產狂冧,理所當然。

廣告

但今年不同,即使政府同藍絲偽媒體不斷想將經濟下滑個責任推畀 2019 年的逆權風波,但其實人人包括藍的都知道,2019 年你的生意受嘅影響,與 2020 年相比簡直微不足道。武肺才是嚴重打擊,但為甚麼近一年了,市面還像「歌舞昇平」,樓股均無大跌,物價也不見得回落呢?因為與 2003 年相比,2020 年前的十年八載,香港人因資產上漲賺了未來好幾年的錢,所以即使生意下滑,仍然可以靠這些錢頂住。

其實失業率已經攀升很多,但多是基層,消費力不高。如今國泰炒五千人,是一個很大的警號,因為他們都是高收入人士,是消費的主力,如果其他企業跟風,市場失掉對經濟回復的信心,整個經濟鏈就會由高位急速下塌,壓毀中下層。

廣告

側聞做律師的近來忙得很,因為很多追數、破產、清盤的生意。過去機年賺多的,都快要嘔凸了。可以說,2003 年是衰運的最後日子,2020 年卻是衰運的開端 — 由於全球經濟停擺,香港喪失特殊地位帶來的影響,更未浮現。

就如路政署的「墮機路牌」,香港經濟很可能即將掉頭下插。

作者 Facebook

(標題為編輯所擬)
 

發表意見