【特寫】政府兩電罕有聯合記招 黃錦星:全港市民都應該齊心合力正面討論

兩電今年宣佈加價的安排別出心裁,以往兩電代表會在年底的立法會經濟事務委員會會議上交代未來一年最近電費價格,中電和港燈都會派人列席立法會,連同政府相關政策局官員接受立法會議員即場質詢。新常態下,今年改為由官商一同舉辦聯合記者會,公佈電費加幅。

環境局局長黃錦星解釋,今日 (9 日) 的記者會「比較特別」,因為往年政府與兩電完成電費調整檢討磋商後,會向立法會經濟事務委員會匯報,但今年立法會換屆時間在年底,因此未能安排在立法會交代。黃錦星說,為了對社會交代,體現透明度,所以特意安排一個政府及兩電聯合記者會。

有記者質疑,如此安排是否表明政府支持兩電加價,會否擔心予人「官商勾結」的感覺?黃錦星回答說:「邁向碳中和全球來講係一個充滿挑戰嘅,為咗全球人類,包括香港共同嘅福祉,所以大家應該正面睇呢樣嘢,政府、商界,包括兩電,以致全港市民,都應該齊心合力正面討論呢件事。所以今日呢個記者會,除咗交代明年電費調整之外,我哋亦都趁呢個機會,要求兩電喺呢方面都作一個透明度,向社會交代,因為喺低碳轉型當中,邁向淨零發電係一個重中之重,亦都包括咗全民節能,所以大家應該用正面去睇今日呢個向大家講呢兩方面嘅安排。」

2021.11.9 政府官員與兩電代表聯合舉行記者會

雖然記者會可以讓傳媒當面質詢電費安排,但政府官員及兩電代表不再上立法會交代電費調整,對於傳媒而言,等同失去了很多參考資料。因為兩電往年在出席立法會的同時,亦會向立法會提交一份補充資料文件,詳細列出兩電的資本開支、調整電費的理據和計算方法,以及集團經營費用帳目及預算等詳細資料,讓立法會議員及傳媒可掌握更多資訊,從中分析電費調整是否合理。

新形勢的新安排下,不用兩電代表開口為大幅加價解畫,環境局局長黃錦星已開腔護航。他在記者會上的開場發言中指出,國際燃料價格飆升,各大城市電費普遍錄得雙位數百分比的升幅,當中新加坡、東京等亞洲大城市目前每度電大約等於港幣 1.5 至 2 元水平,而歐美相關大城市大約為 2 至 3 元。

「加強慳電亦都可以慳錢」

黃錦星說:「喺香港,政府致力把關,希望達致我哋供電嘅目標,安全、可靠性、合理價格同埋環境表現四方面兼顧。燃料調整費升幅難免,經過磋商之後,最終兩電平均淨電費升幅只係一個單位數字百分比,明年兩電平均每度電 1.3元,相比頭先講嘅外地各大城市仍然係相對便宜嘅。」他亦呼籲市民慳電:「當然社會各界加強慳電,亦都可以慳錢,亦可以幫助減碳。」

黃錦星還進一步指稱,在在政府兩項電費「支援」措施下,本港家庭來年的電費開支更是「減咗添」。他解釋,在2018 年起實施的電費紓緩計劃下,現時每個家庭每月獲得 50 元資助,加上今年 6 月至明年 5 月的每月 80 元政府電費補貼,電費會「減咗添」。他說:「如果講出年,我哋預計一個三人嘅典型家庭係有大約 20 至廿零蚊嘅升幅,其實每一個家庭仍然有成廿幾、三十蚊嘅額外嘅錢。其實佢嗰個電費支出係比正常過去仲少咗添嘅,即係大家要理解呢樣嘢,加埋明年頭嗰五個月有財政司司長代表政府畀嘅補貼,更加個電費會減咗添。」

不過黃錦星提及的兩項電費「支援」措施,其實在今年及之前已經相繼落實,當電費明年上升後,在同等金額的資助及補貼下,明年電費相比今年不可能「減咗」。有記者要求黃錦星解釋明年電費如何「減咗」,他只重複說,兩項「支援」措施的金額比典型家庭明年電費開支增幅為多,可以彌補電費升幅,但未有修正電費「減咗」的說法。

編輯推介

    發表意見