林鄭指「抗體唔係愈高愈巴閉」 何栢良:「除咗佢自己,其他人唔會明」

186 萬合資格特定組別人士本周四 (11 日) 起可接種第三劑疫苗。首兩針注射國產科興疫苗的特首林鄭月娥上周四 (4 日) 接受《有線新聞》專訪時,表示自己會繼續打科興,「因為我係第一批打科興嘅,總之打開科興咪繼續打科興囉,而且據我了解,抗體唔係話數字愈高就愈巴閉、夠就得架喇...我上次打完之後完全冇副作用,咁我當然係繼續打科興喇。」

港大感染及傳染病中心總監何栢良今早接受商業電台《在晴朗的一天出發》訪問,表示對林鄭個人意見不作回應,「除咗佢自己,其他人唔會明。」但他補充,抗體與預防感染預防重症有一定關係,國內及海外評估疫苗成效,均以量度抗體作為關鍵指標。

科興替代中和抗體水平不達標

他引述本港研究指出,接種完兩針科興之後,第三針打復必泰疫苗的人士,對抗 Delta 變種病毒的替代中和抗體水平百分百達標;相反如果第三針打科興「就唔穩陣」,頗大比例不達標。因此政府專家小組很清楚建議,接種第三針人士應選擇打復必泰疫苗。

何栢良進一定解釋,預防感染新冠肺炎需要有有足夠抗體,「如果接種完疫苗,你個抗體水平相對來講普普通通咁,預防成效過咗一段時間,可能三、四、五個月就會大幅度下降」。他續說:「抗體梗係越高越好,冇理由越低越好,替代中和抗體水平起碼達到 60% 以上,咁樣先至夠穩陣囉。如果第三針揀科興,部分人係唔達標。」

 

編輯推介

    發表意見