【安心街市】檔販、街坊點睇? 「仲使做生意?」、「最緊要安全」、「見步行步」

政府日前公布,11 月 1 日起要求市民進入政府大樓前,必須使用「安心出行」。食環署昨(29 日)公布,下周一(11 月1 日)起,市民進入公眾街市、小販市場及熟食市場,須掃瞄「安心出行」方可入內。《立場》記者今早到紅磡市政大廈視察,見兩個出入口均有張貼二維碼供市民掃描,但張貼在隱蔽處,只有零星市民使用。有外傭表明沒有程式,亦有街市檔主批評政策,「我哋仲洗做生意嘅」。

「咁麻煩啲婆仔點會同你做」

記者在市政大廈訪問市民,外傭 Anna 表明沒有程式,反問「點樣(下載)啊?」該外傭又說,自己平日外出時,也只是「填紙仔」,會再通知僱主政策改變。另一外傭 Siti 亦說「唔知」下周一起須用「安心出行」,亦「唔明白」程式的功能。記者向她解釋後,她亦表示自己平時都是「填紙仔」。

外籍傭工 Anna

生果檔檔主好姐說,不懂得如何使用程式,又說「啲婆仔點會上黎買嘢,你咁麻煩嘅嘢,啲婆仔點會同你做。」對於食環署日前指,會容許個別有困難人士填「記錄表」代替,好姐說自己不識字,「點樣填紙仔,又唔識字又叫人填,唉,見步行步啦。」

生果檔檔主好姐

街坊陳太則表示,平日外出都會使用「安心出行」,「煩咗啲,但就安全咗啲」,又說政策實施後亦不會減少到街市,「你需要就要入㗎啦。」

檔販憂生意額受影響 顧客寧光顧街邊地攤

另一檔販鄭先生指,疫情後街市人流減少,認為強制政策實施後,生意額會大受影響,「對個疫情係好,但對我嚟講係一個唔好嘅政策。」他估計市民會因麻煩,轉向光顧街邊地檔,「有啲人嫌麻煩,街邊周圍都有,生意真係難做囉」,加上「後生嗰啲唔可以填紙喎,一定要用就更加會少人流囉。」

魚檔撐掃碼「(擔心)你咪唔好入嚟囉」

魚檔檔主李生則認為,強制政策實施後可保障大眾安全,又指如有市民擔心,「你咪唔好入(街市)嚟囉,係咪先,最緊要大家安全。」

魚檔檔主李生

在街市門口負責監察市民體溫的阿霞指,有不少檔販均表示「(之前)冇安心出行,我哋已經冇生意,你仲要安心出行,我哋仲洗做生意嘅?」下周一起,街市門口可能會封路,只剩下一條路讓市民掃描後入內。屆時將會由她協助長者「填紙仔」。阿霞說,暫時也未知會否增派人手協助處理,「到時好忙。」

阿霞

編輯推介

    發表意見