多謝你出現球迷的青春裡 — 卡卡
足球說故事2017/12/18 — 15:27
卡卡 Instagram 圖片
06─07年嘅卡卡，係最令人懷念。
一個人Carry成隊AC米蘭，幾乎由進攻中場打到上前鋒，一拎波就千里走單騎，毫無花巧地用盤帶速度爆贏你，連美斯都曾經食過塵；
一個人摧毀當年曼聯防線，帶領AC米蘭反勝曼聯殺入歐聯決賽繼而奪冠，自己亦以10球成為當屆神射手、最佳前鋒兼最佳球員；
一個人曾經力壓美斯同C朗，勇奪世界足球先生以及金球獎。屈呢個字，可以話係當年巴西靚仔嘅專有形容詞（不過呢屆之後嗰10年，已變成美斯同C朗玩曬）；
望住佢走過年少成名嘅20歲、登上巔峰嘅25歲、傷病纏身嘅28歲、遠離歐洲聯賽嘅32歲，我哋見證卡卡足球生涯不同階段，但同時佢亦都填滿咗球迷嘅青春歲月。
「我獲得的比我想像中多，多謝你天父，我已準備好人生下一個旅程。」
多謝你出現球迷的青春裡─卡卡。