奧運，對於唔同嘅人有咩唔同意義呢喂？

如題。

對菲比斯來講：

佢過往橫掃過嘅金牌，仲多過袋鼠先生我係幼稚園拎過嘅“廁所飛躍進步獎”，睇來今年佢要唔贏，先上到新聞。

對於中國人來講：

雖然蒼井空是屬於世界，但係世界係屬於中國的，支旗你竟然同我調那星，仲要唔係made in china, 你這r(第4聲)是甚麼意思！你班飯桶跟我滾！(就係投唔到製旗果班人被領導拖左去際旗。)

作者提供圖片

對於濫藥嘅選手來講：

食錯藥的事，你們懂條鐵！

對香港人來講：

睇下中國有咩膠事，恥笑一番。

對於澳洲呢度好多嘅人來講(袋鼠先生身邊嘅人啦)：

雖然唔係咩咁神聖，得閒同有興趣嘅項目其實都會睇下，留意下澳洲隊大約做成點。

Gag就搞完 (攪爛)，到底奧運有咩意義？

可以入圍奧運嘅人，好似菲比斯咁， 大部份都係已經有極高天賦的， 而天賦以外，可以一較高低既，就係意志、努力同毅力 (係好老土我知)。

(電台DJ 深夜腔) 你自己中意做嘅嘢，有無曾幾何時覺得過自己或者係有少許天份？ (開始有背景音樂)

然後， 你有無曾經努力過？ 如果有，你最後因咩原因放棄咗？

如果你無放棄到， 你而家覺得自己做成點？

如果你放棄咗，你而家選擇咗嘅嘢，你又覺得值唔值得？

無論你嘅答案係咩都好，送上呢首歌，希望你地搵到屬於你地自己嘅意義… (Intro完，歌曲切入，但首歌係完全唔關事嘅)

答我丫: https://www.facebook.com/HiMrRoo/