曼聯總教練蘇斯克查(Ole Gunnar Solskjær,圖片來源:Manchester United Facebook)

所有問題,都只因為蘇斯克查?

哈哈,36 歲的 C 朗,批評多次被安排在前線跟他做拍檔、只有 20 歲的美臣格連活有啲問題。

因為格連活多次決定自己射門,沒有將個波交俾佢。C 朗還慨嘆現在那些年輕球員跟他那一代年輕時不一樣。

對愛華頓那一場不安排他正選出場,有些評論還認為蘇斯克查的做法正確,因為一隊如曼聯水平的球隊,不能只遷就一人。但結果失了分,被千夫所指,蘇斯克查以後還敢不安排 C 朗打正選嗎?

他必然成為正選,其他球員,福仔及格連活之外,包括申祖、雲迪積克、連尼加特……肯定不會有多少出場機會。對利物浦那一場,馬斯亞連後備都冇份!

原來 C 朗還期望射術很不錯的格連活首先要考慮將個波交俾佢。單憑這一句,證明了我的想法,曼聯從一開始根本就不應簽 C 朗。他是個好球員,但以這種高姿態回歸,對曼聯肯定不是好事。

費爵爺作為一個退休領隊,在幕後搞搞震,是不是也有點那個?據說曼城要簽 C 朗喎,費爵爺一個電話搞掂喎,幾威威!只能佩服 C 朗的經理人真係好嘢!連費爵爺及曼聯都中招。作為元老退而不休,要在後邊攪局,從來都不是可取!政治上如此,對一個團隊也是一樣!

蘇斯克查梗係唔掂!今時今日梗係更加要咁講!至於上季聯賽第二名,二十幾場連續不敗,大家都唔記得咗囉!記來做乜!

利申:從來不是曼聯擁躉,對於費爵爺的霸道作風一向不敢恭維!有一段時間,只有他可以撬走其他 Big Four 的球員,自己的球員一定不能轉投 Big Four,這一點已經令人十分反感!不過佢確實好嘢!但既然退了,何不放手?如果蘇斯克查可以自己揀,我賭佢一定不會想簽 C 朗!一個普巴已經玩死佢啦!

純粹諗到吹吓水,曼聯躉唔好追殺我!

 

原刊於作者 Facebook

編輯推介

    發表意見