政府宣稱發展港足　面對土地問題卻最先放棄足球

一個訓練中心，用1年時間施工，用咗8400萬興建，每年打算投放600萬營運，加上足球係長遠發展，10年係一個單位都是常識吧？但中心僅僅啟用1年，政府就想收返塊地嚟起公營房屋。

錢，全部都係錢，拆過再起唔使錢？搵新地唔使錢？好，我唔講錢，淨係講時間，拆完再起又要等幾耐？俾盡你快極都1年，咁本身一班使用者又可以點？真係可以咁快搵到代替場地？將軍澳訓練中心發展遙遙無期，難得依家有個叫做合適嘅場地俾港隊或球會集訓使用，你忽然又話要收地，乜支持係咁樣嘅咩？

政府有收地權，要收無可厚非，但在於經濟角度出發一定唔合理。再者，石門地皮根本唔係唯一合適起樓嘅地方，例如觀塘、油塘、長沙灣、荔枝角等等短期嘅露天停車場會唔會係另一個選擇？其他重建地方或工廠大廈又如何？但偏偏政府決意自行揀一個新起冇耐嘅用地起樓，打算「摸下底」就逼人走。

當政府口口聲聲要加強發展香港足球，但最後喺用地決策時，最先放棄嘅就係足球。

得罪講句，屌你喇。
 

原題為〈咁樣叫支持咩？〉；作者 facebook