圖片來源:Kin Cheung/AP Photo、mytv 直播截圖

女團勇奪乒乓銅牌 教練李靜:最緊要多謝我自己 因為我付出咗更加多

香港乒乓球女團代表創下歷史,奪得本港女子代表的首面奧運獎牌。教練李靜賽後形容部署是「兵行險着」、「奇兵出奇蹟」,同時多謝自己,「因為我付出更加多。」他並寄語港人:「所有嘢唔係諗,付諸行動最實際。」球手蘇慧音則表示被結果「嚇親」,並藉此勉勵香港人,只要相信自己,就可以做到,「真係相信某啲事會發生,就真係會發生。」

港隊在乒乓球女團以 3:1 總分力挫德國,繼 2004 年雅典奧運男雙銀牌後,再為香港取得乒乓球項目奧運獎牌。教練李靜賽後形容過程「好靜彩」,至於戰略部署,他表示由於過往與德國對賽「一次都未贏過」,於是「兵行險着」,結果「奇兵出奇蹟」。

蘇慧音:真係相信某啲事會發生,就真係會發生

港隊摘銅,他說作為教練「好開心、好驕傲」。他衷心感謝香港市民支持打氣,「要多謝嘅人有好多,乒總喇、體院喇」。最後他還多謝自己,「最緊要係多謝我自己,因為我付出咗更加多」。這面銅牌,對他來說是三面獎牌,因為港隊有三人作賽,「啲牌多多益善」。記者問到賽果的啟示,李靜說:「所有嘢唔係諗,付諸行動最實際。」

決勝局擊敗單曉娜的港將蘇慧音賽後受訪說,被結果「嚇親」,因為過去與德國對賽曾慘敗,「贏咗第一場已經覺得不可能」。她說比賽前完全沒有想過會贏,不過落場時,「為咗隊友,輸波唔緊要,唔可以輸道氣,結果出乎我意料之外」。

蘇慧音感謝隊友,在她出戰單打前,隊友已「打到佢哋殘晒」;她又多謝教練李靜,今日在場邊不斷提點,「靜哥叫我要hold住啖氣唔好太急,唔好急於求成唔諗戰術」。她說連隊友杜凱琹也有在場邊打氣,「好多謝佢哋兩個,呢一場判輸打,從來未見過琹姐嗌成咁,嗌到胖攣晒腰。」

賽前蘇慧音曾以「搏盡無悔」形容出賽心態,她在賽後記者會上說:「我哋三個人今日都係搏盡無悔,再打多次係咪可以再贏都唔敢講。真係相信某啲事會發生,就真係會發生。」她在另一輪賽後訪問中也說:「我哋全部人冇諗過攞到銅牌,只要用心,相信你做到,真係會做到。」

大師姐:等咗唔知幾多年

「大師姐」李皓晴則形容,今屆整個奧運歷程如坐過山車,曾經因為戰敗而「好down」,有賴兩位隊友撐住,自己才可以慢慢「上番嚟」。她本人已是第三次出征奧運,「每一屆都想朝住攞牌方向努力,等咗唔知幾多年,我哋終於做到」。她大讚兩位隊友表現,給予 200 分。

李皓晴續說,港隊奧運奪得獎牌,對正在參與這項運動的青少年是很大鼓勵,「我哋有機會,佢地都有機會」。杜凱琹賽後形容自己「仲係好似發緊夢咁」,她又多謝全香港市民,表示比賽期間收到很多支持及祝福,「對我地意義好大,令我哋更加有力量」。

編輯推介

    發表意見