立場新聞 Stand News

瑞典戰英格蘭前夕 伊巴與碧咸打賭

2018/7/7 — 18:27

伊巴向來口水多,世界盃八強瑞典鬥英格蘭前夕,未開波佢先撩碧咸賭輸贏。

伊巴:「如果英格蘭贏到瑞典,我請你去全世界任何一間餐廳食飯;但瑞典贏咗,你就要去IKEA買一件我想要嘅嘢畀我。」

廣告

這時候,碧咸力如秦沛上身:「你大我呀!?」,隨即留言反提議:「好,但係如果英格蘭贏到瑞典,我想搵日邀請你嚟溫布萊睇英格蘭比賽,兼且要着住英格蘭波衫、享受炸魚同薯條。」

一個拎IKEA、一個拎溫布萊,結果兩個專頁嘅公關都引埋出嚟,各自幫自己友拖。

廣告

溫布萊專頁公關:「碧咸,你想我哋畀伊巴一件作客波衫定主場波衫?」

IKEA專頁公關:「伊巴,當瑞典贏咗,你不如帶碧咸嚟食IKEA,我哋提供瑞典肉丸,同埋Lingonberry果汁,唔知中杯size夠唔夠飲?」

可能一切都係一場騷,但係騷得嚟都要大家玩得夠絕、睇得過癮,所以話做人冇公關,真係食得屎。

(原刊作者facebook專頁

發表意見