立場新聞 Stand News

肌肉訓練之安排

2015/1/16 — 4:02

資料圖片

資料圖片

【文:Jerry Liu】

我地成日都話做 gym 時要由大肌肉開始做起,究竟由大肌肉做起對我地做 gym 時嘅表現有咩好處呢?

喺忙碌嘅生活中,每次大家可能只係抽到 1-2 個鐘去做 gym,加上工作,訓練到(未到)後半段就已經好累。喺我地發力嘅時候,力量由我地嘅人體核心開始到肢體嘅末端,而有好多大肌肉嘅 exercise 裡面都會有到小肌肉參與,所以點計都係趁住起初仲有氣有力時做大肌肉訓練嘅回報率較佳。

廣告

而假設大家係初頭先練小肌肉又會點呢?

以平板卧推(bench chest press)為例,呢個 exercise 會有胸大肌同三頭肌參與到,如果我地先做三頭肌嘅鍛煉後先做卧推的話,咁係卧推個過程中,胸肌可能仲好有氣力而三頭肌就已經好累,咁就對胸肌嘅訓練有一定嘅影響喇。

廣告

另外上面又講到,我地發力時力量會由我地嘅人體核心到肢體末端,所以要做大肌肉先,咁又係咪由腹肌做起好啲呢?

咁又唔係喎,腹部係我地嘅力量起點、人體嘅 engine,如果一開始就先練腹部的話反而會令我地腹部先疲累,影響力量同運動表現架,所以腹部鍛煉我會 suggest 係尾段先做好啲。

 

作者簡介:健身、泰拳、健身球、拉力帶教練、FB fan page「體適能平台 Sport Science」的主腦人、亦為其他的運動專欄撰文分享心得和經驗,希望利用對體適能的知識,從運動中教導現時的年青人要以正面、積極、堅強鬥志去面對每日的挑戰。專業資格:國際註冊體適能教練、高級私人教練、健身球教練、健體泰拳教練、軍訓式代謝訓練法訓練員。

原刊於體路

發表意見