【球衣風波】節目批穆家駿 陳志雲遭陸網民炮轟 何俊賢附和:想打佢一身 後稱打「風氣」

伍家朗球衣風波繼續發酵,周一( 26 日)商台節目《在晴朗的一天出發》討論事件,三名主持批評民建聯成員穆家駿「要出嚟爭功但又唔做功課…衰咗又唔認」。其後有內地網民在微博批評三人「避重就輕」;建制派漁農界立法會議員何俊賢回覆留言指:「我都想打佢一身,可惜他們勢大。」香港網民質疑言論涉嫌恐嚇。何回應《立場》稱,言論純屬發洩,沒有針對任何人:「我係講緊呢種風氣,好想打呢種風氣得唔得?」陳志雲則則說:「冇咩特別感覺,唔會好認真對待呢啲說話…但訴諸暴力或語言暴力都應該唔係咁好」。

與穆家駿同屬民建聯聯的何俊賢周一在微博發帖,為自己及黨友指控伍家朗的言論辯護,表示「你殺了我一隻講真話的羊是沒用的」,聲稱在球衣風波上,他只是指出其錯處,誰知被扭曲成影響運動員比賽,「不過那不是我的責任,我們國家隊把國家隊的榮耀放在第一,還記得里約奧運用不合格五星旗,我們國家都立刻抗議。帖文還標註#我倒覺得某人欠我一個道歉。

有內地網民在其帖文中留言:「一些所謂大佬都在和稀泥,早上聽電台,陳志雲三個講這些事,避重就輕,踹著明白裝糊塗」。何俊賢再在其留言上回覆:「我都想打佢一身,可惜他們勢大。」

陳志雲:訴諸暴力唔係咁好

《立場》記者就事件致電向何俊賢查詢,問他「想打」的「佢」是誰,何大笑並說「呢啲嘢你都攞嚟搞?」又謂「我唔需要向你解釋,純粹自己在網上的發洩,冇針對任何人」。記者追問「佢」是誰,他指「我唔建議你哋諗呢樣嘢」,辯稱只是網上發洩,「我後面都講『勢大』,我係講緊呢種風氣,好想打呢種風氣得唔得?有好多唔同想法,但完全唔針對任何人。」說畢隨即收線。

陳志雲回覆《立場》查詢時則表示,「冇咩特別感覺,唔會好認真對待呢啲說話。我諗佢都係出於戲言,但訴諸暴力或語言暴力都應該唔係咁好」。對於有香港網民認為何的言論涉嫌恐嚇,陳說並無因為何的言論而受驚,「但咁樣講真係唔係太好,我諗佢都唔係認真,所以我都唔會好認真對待」,亦不會有進一步行動,「睇過就算啦」。

何俊賢在穆家駿發文當日亦有在 Facebook 表示,「羽毛球隊連在隊服上印上區旗區徽的錢都沒有嗎? 成何體統?黑衫黑褲印白字,設計都沒錢了嗎? 民政局要處理這事!」
 

編輯推介

    發表意見