FB 改名進攻元宇宙 真係有人想用?

睇緊 FB / Meta 的presentation,真係打飛機到呢… 同 2003 年 DoCoMo 嗰份 3G 飛機稿一樣(啲 idea 幾乎一樣,都係remote hologram / 3D model)。

樣樣VR乜R都要做3D model,但係根本搞唔掂砌3D model個ROI,企業係唔肯俾高人工去做啲咁悶咁食物鏈底層嘅工作,因為做到出嚟又唔會點賺到錢。

成件事就係似而家下下都$30,000叫人用啲工具/平台砌個Website出嚟,做咗出嚟又嫌唔夠好,改來改去都唔收貨,結果個website勉強做咗出嚟對生意都冇幫助,叫做人有我有咁。

而最大嘅致命弱點,就係佢唔肯放棄Oculus/Quest,即係一定要戴個VR/AR(乜R物R)眼鏡先玩到。無論你做到個眼鏡幾細幾輕(20年後再講)都好,保守估計有三至四成人係唔會用,包括生理上嘅問題例如大近視、散光、頭暈,又或者係心理問題,抗拒戴呢啲Google Glass類形嘅device。

喺一個virtual world(或者潮啲叫metaverse)裡面,everything is digital, in a controlled environment。即係everything can be tracked,監控會比而家更容易,一舉一動都係全天候real-time監控住,絕對冇私隱冇自由,而我對Facebook的私隱處理係極有保留。

講到Gaming,除咗2018年推出嘅Beat Saber,仲有咩可講?2021年尾仲係攞嚟做demo,而你同我都未玩過,真係得個woow字。

MZ唔係一個visionary,最多只算係futurist,而佢嘅future只係同2003年嘅DoCoMo差唔多,都係來來去去嗰幾味,3D/Hologram/VR/AR/Second Life,一個近20年前日本人已經想像過嘅future。

你可以話「車~以前冇啫,唔代表嚟緊做唔到」。冇錯,有啲嘢真係受限於科技暫時做唔到,未來會做到,例如Internet、智能電話、串流影片、加密貨幣、垂直降落嘅火箭等等。

但係亦有啲唔關科技事,係關乎人類習慣嘅事,例如飛天車、3D遊戲/電視、智能雪櫃、VR鹹片、機械寵物 etc etc,呢啲全部都係過眼雲煙。

Facebook最強嘅,係演算法同監控巨量用戶數據嘅能力。比著一般社交媒體,你個timeline正常都係俾啲奇怪廣告post霸晒,又會成日見到印度、埃及、菲律賓、俄羅斯嘅post。但係FB唔會,佢係嚴密監控,幫你篩走晒呢啲怪嘢,就算係廣告都係正常嘢,呢個先係佢地犀利嘅地方。

所以我唔係話MZ唔勁,佢係勁,但佢唔係Steve Jobs,佢諗出嚟而死亡咗嘅project真係不計其數,唔係話佢唔應該不斷試,我鼓勵佢試多啲添,個根基咁厚,佢有本錢試乜都得。我只係話,佢唔係一個有vision嘅product designer,太刻意去做某啲嘢,就算有巨大財力同先天優勢,都係唔會咁易俾佢chok到出嚟。

反而好多創意,都係無心插柳,例如AWS,就係咁啱得咁橋chok咗出嚟,又或者係AirBnB呢啲,都係咁啱食正個市場未滿足到嘅demand,結果就成功咗。

Metaverse、乜R物R呢啲,講咗幾十年,個demand喺邊?有冇人真係好想用呢?係冇人想用定係個市場連自己都未知自己好想用?我比較傾向係前者。

結論係,FB係勁嘅公司,MZ都係勁嘅人,但係佢勁嘅唔係創造新產品。我認為FB都係等其他人成功咗然後直接收購,好過靠佢老闆隔一排又諗埋啲唔知咩嘢,做一兩年又冇晒聲氣,咁會仲好啲。

 

(標題為編輯所擬)

原刊於作者 facebook

編輯推介

    發表意見